Təhsil naziri ilə şagirdlərimizin görüşü

Aprelin 19-da “Azərbaycan üçün öyrət” yeni təhsil proqramının təqdimat mərasimi keçirilib.Merasimde Tehsil Naziri, müavini, deputatlar ve tanınmış Simalar da iştirak edib.

31 Mart - Azərbaycanlıların soyqırımı günü

Martın 31-i bizə Azərbaycanın tarixində unudulmaz bir gündür. Günlər var ki, sevincinin böyüklüyü ilə, günlər də var ki, fəlakət və qüssəsinin əzəməti ilə unudulmaz.

31 mart ikinci günlərdən idi.

Mart Soyqırımı və ya Mart Hadisələri — 1918-ci ilin 30 mart və 3 aprel tarixləri arasında Bakı şəhərində və Bakı quberniyasının müxtəlif bölgələrində, eləcə də Şamaxı, Quba, Xaçmaz, Lənkəran, Hacıqabul, Salyan, Zəngəzur, Qarabağ, Naxçıvan və digər ərazilərdə Bakı Soveti və daşnak erməni silahlı dəstələrinin azərbaycanlılara qarşı törətdikləri qırğın.

1 Mart - Ümumdünya Mülki Müdafiə Günüdür.

Beynəlxalq Mülki Müdafiə Təşkilatının qərarı ilə elan olunmuş bu gün hər il kütləvi humanitar tədbir kimi qeyd edilir.
Azərbaycan 1993-cü ildə bu nüfuzlu beynəlxalq təşkilata üzv olmuşdur. Beynəlxalq Mülki Müdafiə Günü hər il konkret bir problemə həsr edilir.
Əhalinin mühafizəsini, fövqəladə hallardan mühafizə sahəsində əhalinin hazırlığını təmin etmək mülki müdafiə orqanları qarşısında bir nömrəli vəzifə kimi durur.
Qeyd edək ki, silahlı qüvvələrdə ilk dəfə belə imkan I dünya müharibəsi zamanı (1914-18 illər) yaranmışdır. Almanlar ilk dəfə olaraq döyüş şəraitində aviasiya tətbiq etmişlər və bu amil böyük şəhərlərin hava zərbələrindən müdafiəsi zəruriliyini yaratmışdır. Qoşunlarla bərabər bu prosesə mülki əhali də cəlb olunmağa başlanılmışdır.
1 mart Ümumdünya Mülki Müdafiə Günü, onun vəzifələri və məqsədi 1931-ci ilin mayında tibb xidmət generalı, fransız Corc Sent Pol Parisdə “Cenevrə regionu assosisasiyası” təşkilatını yaratmışdır. Sonralar Ümumdünya Mülki Müdafiə təşkilatına (ÜMMT) çevrilmişdir.
Hazırda ÜMMT-yə 100-dən çox ölkə daxildir. Azərbaycan 1993-cü ildən ÜMMT-nin üzvüdür və onun keçirdiyi bütün tədbirlərdə fəal iştirak edir.
Təşkilatın vəzifələri həm müasir mühəribələrin, həm də əmin–amanlıq dövründəki güclü istehsalat qəzaları və təbii fəlakət nəticələrinin ehtimal olunan xarakterindən irəli gəlir. Belə ki, əhalinin mühafizəsi - Mülki Müdafiənin başlıca vəzifəsidir. Mühafizənin əsas üsul və vasitələri isə adamların mühafizə qurğularında daldalandırılması, təhlükəli yerlərdən köçürülüb az təhlükəli, yaxud təhlükəsiz yaşayış məntəqələrində yerləşdirilməsi, fərdi mühafizə vasitələrindən hamının istifadə etməsidir. Havadan basqın, zəhərlənmə və digər təhlükələr barədə vaxtında xəbərdarlıq, mühafizə üsul və qaydalarının əhaliyə öyrədilməsi də bu vəzifənin yerinə yetirilməsində vacib şərtdir.
Bu günün hər il keçirilməsində məqsəd ictimaiyyətin diqqətini bu təşkilatın vacibliyinə və həyati əhəmiyyətinə cəlb etmək, mülki müdafiə işçilərinin isə işini və fədakarlıqlarını lazımınca qiymətləndirməkdir.

Gimnaziyamızın şagirdlərinin Xocalı soyqırımına həsr etdikləri divar qəzetləri

 

IX siniflərin monitorinqi keçiriləcək

27 Fevral Təhsil Nazirliyi tərəfindən IX siniflərin monitorinqi keçiriləcək. Gimnaziyamız monitorinqə tam hazırdır. Nəzərinizə çatdıraq ki, imtahan saat 10:00-da başlayıb iki saat davam edəcək. Bütün şagirdlərimizə uğurlar diləyirik!

"Şəhidlərə kəfən lazım deyil" tamaşasının nümayişi davam edir

25 Fevral tarixdə "Şəhidlərə kəfən lazım deyil" tamaşası gimnaziyamızın VII, VIII və IX sinifləri üçün ikinci dəfə nümayiş edilmişdir. Bu dəfəki tamaşaya Təhsil Nazirliyindən Anar Qədiməliyev, Orxan Abdullayev və "Miras" ictimai birliyinin sədri Fariz Xəlili gəlmişdir.

"Şəhidlərə kəfən lazım deyil" tamaşanın premyerası keçirildi

Bu gün Gimnaziyamızda Xocalı faciəsinin 24-cü ildönümü ilə əlaqədar Milli qəhrəmanımız Mübariz İbrahimovun əziz xatirəsinə həsr olunmuş "Şəhidlərə kəfən lazım deyil" tamaşanın premyerası keçirilmişdir. Tamaşaya Təhsil Nazirliyi işçiləri - Rüfət Əliyev, Hüseyn Mirzəyev (Pilot layihələrlə iş sektoru), Namiq Nağıyev, Ruslan Lətifov (Qiymətləndirmə şöbəsi), məktəb direktorları - Elşən Qafarov (230), Səidə Zeynalova (Texniki-Humanitar Lisey), Vüqar Məmmədov (117 ), Kərim Abidi (31), Gülarə Atayeva (324), Səba Həsənova (123), Fəridə Rəcəbova (214), Ülviyyə İsmayılova (245), Rəfael Hüseynov (157 N-li məktəbin direktor müavini), Hədəf kursunun təlim-tərbiyə işləri üzrə direktoru Elxan Nəcəfov, tanınmış yazıçı - Elxan Elatlı, Valideyn himayəsindən məhrum olmuş uşaqlara dayaq ictimai birliyindən - Mehriban Hüseynova və İntizar İbrahimova, "Miras" İctimai Birliyindən Orxan Qənbərov, Nərimanov RPİ-dən Rüstəm Rüstəmov, Biləsuvar rayonundan Mübariz İbrahimovun sinif rəhbəri Əhliman müəllim başda olmaqla digər qonaqlar, valideynlər, müəllimlər və şagirdlər dəvət olunmuşdur. Gimnaziya müdiriyyəti adından tamaşanı hazırlayan quruluşcu rejissor Röyal Cəbiyevə, təşkilatı dəstək üçün "Valideyn himayəsindən məhrum olmuş uşaqlara dayaq" ictimai birliyinə və vaxt ayırıb gəldikləri üçün bütün qonaqlara təşəkkürlər!

Ana dilimizi qoruyaq!

Bu gün - 21 Fevral Beynəlxalq Ana dili günüdür. Biz yalnız bu gündə deyil, ilin bütün günlərində dilimizi sevməli və qorumalıyıq. Ana dilimiz barədə Gimnaziyamızın Təmayül Fənlər üzrə direktor müavini və Azərbaycan dili müəllimi Ləman Hacıyevanın atev.az saytında dərc olunmuş məqaləsini diqqətinizə çatdırırıq:

İnsan ömrü boyu çeşidli dillər öyrənir və danışır. Bəzən yabançı ölkələrdə yaşadığı üçün ana dilində deyil, həmin  məmləkətin dilində danışmalı olur. Ancaq, hansı dildə danışır danışsın, insan çətinə düşəndə, köməyə çağıranda, dərd-qəmindən söhbət açanda, öz-özünə danışanda və son nəfəsində həmişə ana dilindən istifadə edir.İllərlə danışılmasa belə, ana dili heç vaxt unudulmur. 

Gimnaziyamız inkişaf yolunda

2015/2016-cı tədris ili Gimnaziyamızda təhsilin keyfiyyətinin artırılması məqsədilə pedaqoji heyət üçün təşkil olunan təlimlərin nəticəsində müəllimlərimizin peşəkarlıq səviyyəsi daha da yüksəlmişdir. II yarımildən müəllimlərimizin əksəriyyəti dərslərini interaktiv şəkildə keçməyə başlamışdır. Dərslərdən görüntüləri vaxtaşırı səhifəmizdə paylaşacağıq.
Azərbaycan dili və ədəbiyyatı müəllimi Səbinə Rzayevanın Füzuli yaradıcılığı mövzusunda olan dərsindən görüntülərlə tanış olun:

 

“Gənc kimyaçıların yaradıcılıq müsabiqəsi”nin keçirilməsi barədə

   

Bakı şəhər məktəblilərinin kimya elminə olan marağının daha da artırılması, bu sahədə nəzəri və təcrübi biliklərinin təkmilləşdirilməsi, eləcə də istedadlı şagirdlərin aşkara çıxarılması məqsədilə

əmr edirəm:

    

    1.Bakı şəhəri ümumtəhsil və məktəbdənkənar təhsil müəssisələrinin IX-XI  sinif şagirdləri arasında 2016-cı ilin fevral-aprel 

    aylarında “Gənc kimyaçıların yaradıcılıq       müsabiqəsi” keçirilsin.

    2.Müsabiqənin əsasnaməsi, təşkilat komitəsinin tərkibi təsdiq edilsin (əlavə olunur). 

    3.Müsabiqənin rayonlar üzrə keçirilməsinə cavabdehlik aşağıdakı müəssisə rəhbərlərinə tapşırılsın.

    Nəsimi və Nərimanov rayonları – Bağırov Altay (37 nömrəli Texniki Yaradıcılıq Mərkəzinin       direktoru)

    Binəqədi rayonu   – Qaralov  Həsən (34 nömrəli Texniki Yaradıcılıq Mərkəzinin direktoru)

    Səbail və Yasamal rayonları –  Orucov Mehbalı (35 nömrəli Texniki Yaradıcılıq Mərkəzinin direktoru)

    Qaradağ rayonu  –  Əliyeva Aynur   (41 nömrəli Texniki Yaradıcılıq Mərkəzinin direktoru)

    Nizami və Xətai rayonları – Aslanova Təranə  (36 nömrəli Texniki Yaradıcılıq Mərkəzinin direktoru)

    Suraxanı rayonu  –  Həsənov  Sabiq    (40 nömrəli Texniki Yaradıcılıq Mərkəzinin direktoru)

    Sabunçu  rayonu   – Sultanova Qənirə  (39 nömrəli Texniki Yaradıcılıq Mərkəzinin direktor əvəzi) 

    Xəzər və Pirallahı rayonları –Rəhimov Rafiq (38 nömrəli Texniki Yaradıcılıq Mərkəzinin   direktor   əvəzi)

    4.Təhsil müəssisələrinin rəhbərləri təqdim olunan  Əsasnaməyə uyğun olaraq       

    müsabiqənin yerlərdə təşkili ilə əlaqədar lazımi işlər görsünlər.

    5.Məktəbdənkənar fəaliyyətin təşkili sektoru (A.Əzizov) müsabiqənin yüksək səviyyədə keçirilməsini  təmin etsin.

    6.Müsabiqə qaliblərinin mükafatlandırılması ilə əlaqədar lazımi tədbirlərin görülməsi  müdir müavini N.Səfərovaya tapşırılsın.

    7.Ümumi sektor (S.Rəsulova) əmrin  əlavələrlə birlikdə çoxaldılıb yerlərə  çatdırılmasını təmin etsin.

    8.İctimaiyyətlə əlaqələr sektoru (A.Tairquliyeva) əmrin icrası ilə əlaqədar keçirilən tədbirlərin kütləvi informasiya vasitələri

    tərəfindən işıqlandırılmasını və İdarənin internet  saytında yerləşdirilməsini  təmin etsin. 

    9.Əmrin icrasına nəzarət müdir müavini M. Kəsəmənliyə həvalə edilsin.

     

    Əsas: Məktəbdənkənar fəaliyyətin təşkili sektorunun Fəaliyyət planı.

   

    Bakı  Şəhəri  üzrə Təhsil  İdarəsinin 

    müdiri                                                                                      Məhəbbət Vəliyeva

   

    22 yanvar 2016 - cı il

     

    № 28

    Əlavə:  “Gənc kimyaçıların yaradıcılıq müsabiqəsi”nin keçirilməsi barədə əsasnamə       

Ülvi hisslərdən Şəhidlik zirvəsinə

Bu gün gimnaziyamızda 20 Yanvar faciəsinə həsr olunmuş "Ülvi hisslərdən Şəhidlik zirvəsinə" adlı tədbir keçirilmişdir. Şagirdlər şeir və səhnəciklərlə matəm gününü yad etmişdir.

Şagirdlərimizin Quba ekskursiyası

Gimnaziyamızın tarix müəllimi Həsən Osmanov 10 yanvar 2016-cı il tarixdə şagirdlərimizin Quba Soyqırımı Memorial Kompleksinə ekskursiyasını təşkil etmiş, onlara bu faciənin tarixi ilə əyani şəkildə tanış olma imkanı yaratmışdır. Gimnaziya rəhbərliyi Həsən müəllimə gənc nəslin təlim-tərbiyəsindəki roluna görə təşəkkür bildirir.